Çudira shqiptare/ Në stadiumin e Elbasanit nuk mund të luajë dot vetëm një ekip, Elbasani! FSHF ia ndalon

0
451

Në stadiumin “Elbasan Arena” mund të gjejë strehë cilido ekip i Kategorisë Superiore dhe Kategorisë së Parë, por për vetëm një klub ky impiant është i ndaluar!

Mund të duket e çuditshme dhe deri diku absurde, por Elbasani që militon këtë sezon në Kategorinë e Dytë, e ka si mision të pamundur për të luajtur në “Elbasan Arena”.

Në kushtet kur FSHF-ja ia mohon mundësinë e zhvillimit të ndeshjeve në impiantin ku ka luajtur historikisht, skuadra verdheblu është gjithnjë me shpresën që në fundjavë të ketë ndonjë stadium të lirë në qytetet afër, kryesisht në Peqin dhe Cërrik.

Mirëpo, këtë herë të gjitha fushat kanë qenë të zëna dhe ndeshja e vlefshme për javën e 10-të mes Elbasanit dhe Murlanit, është spostuar për t’u luajtur nesër në kompleksin “Internacional” në Pezë-Helmes. Një situatë skandaloze dhe për më tepër në kurriz të Elbasanit, që 15 vite më parë shpallej kampion./ Panorama

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu