Madonna ka rikujtuar mënyrën sesi tejkaloi kufijtë artistikë në fillim të karrierës së saj duke iu ‘hapur’ rrugën artisteve më të mëdha sot, si Miley Cyrus, Dua Lipa dhe Katy Perry.
Ndërsa zbuloi se pothuajse ishte arrestuar për simulimin e masturbimit në turneun e saj Blonde Ambition në vitin 1990, ylli i popit lavdëroi veten për vendosjen e normave të reja për artistet femra në skenë.
“Policia më kërcënoi se do të më arrestonte tre herë ndërsa udhëtoja nëpër botë duke performuar Like A Virgin – gjatë turneut Blonde Ambition”, shkroi ajo në një sfond bardh e zi të saj nga performanca e famshme.
Ajo vazhdoi postimin në Instastory duke shkruar: “Vatikani anuloi të gjitha shfaqjet e mia në Romë! Shihni si e shtrova rrugën për ju k*rva??’
Më parë, krijuesja e hitit Holiday foli për marrjen e paralajmërimeve nga policia lokale gjatë natës së tretë në SkyDome të Torontos në turneun e saj të tretë të koncerteve.
Në film, ajo mori një mesazh nga ‘një përfaqësues nga zyra e DA’ që shprehte shqetësimin për ‘performancën e saj të pamoralshme live’.
Si përgjigje, ajo i tha ekipit të saj: “Unë nuk po e ndryshoj shfaqjen time “.
Gjatë shfaqjes, Madonna, e cila është e njohur për performanca provokuese seksuale dhe video muzikore të diskutueshme, guxoi duke prekur veten dhe duke u përkulur në një shtrat para një publiku live.
Gjatë gjithë karrierës së saj, e cila ka zgjatur më shumë se katër dekada, nëna e gjashtë fëmijëve ka qenë gjithashtu e zëshme për mbështetjen e kauzave në të cilat ajo beson, si mbështetja e komunitetit LGBTQ dhe e drejta e një gruaje për abort.
