Kim Kardashian, Floyd Mayweather dhe ylli i basketbollit, Paul Pierce akuzohen se kanë mashtruar investitorët për një kriptomonedhë të quajtur EthereumMax. Personazhet e famshëm akuzohen se kanë bërë deklarata të rreme në lidhje me monedhën përmes reklamave në mediat sociale dhe aktiviteteve të tjera promovuese.
Në padi pretendohet se ata u paguan për të mashtruar investitorët të blinin këto investime të humbura me çmime të mëdha. Kardashian bëri bujë kur bëri një postim në Instagram duke promovuar tokenin EthereumMax. “A jeni të interesuar në kripto?? Kjo nuk është këshillë financiare, por për të ndarë atë që miqtë e mi sapo më thanë në lidhje me tokenin Ethereum Max!”, shkroi Kardashian.
Nuk është e qartë se sa është paguar Kardashian nga EthereumMax, megjithëse vlerësohet se për një postim të sponsorizuar shifra varion nga 500,000 deri në 1 milion dollarë. Mayweather është përplasur më parë me rregullatorët për të promovuar investimet në kriptomonedha.
Në vitin 2018, ai u gjobit nga Komisioni i Shteteve të Bashkuara për Letrat dhe Shkëmbimet (SEC) për promovimin e ofertave fillestare të monedhave në mediat sociale pa zbuluar se ishte paguar për ta bërë këtë. /abcnews.al
