Policia ka zhvilluar operacione “blic” në disa qytete për të bërë të mundur arrestimin e personave të shpallur në kërkim perfshire edhe qytetin e Elbasanit.
Burime për media bëjnë me dije se kontrollet janë zhvilluar në kuadër të operacionit “Plumb i Artë”, për të bërë të mundur arrestimin e personave të shpallur në kërkim.
Mësohet se asnjë person me rekorde kriminale nuk është arrestuar nga policia. Kujtojmë që operacioni “Plumbi i Artë” është zhvilluar menjëherë pas arrestimit të shumë të kërkuarit Nuredin Dumani.
Me kërkesë të SPAK, Gjykata e Posaçme, lëshoi 32 urdhër-arreste. Gjatë operacioneve të vazhdueshme janë arrestuar 20 persona, ndërsa 12 të tjerë janë ende në arrati.
