Autoritetet ukrainase kanë raportuar një sulm me raketa në një autokolonë humanitare pranë Zaporizhia këtë mëngjes.
Sipas informacioneve paraprake mësohet se nga sulmi janë raportuar të paktën 23 viktima.
28 persona të tjerë u plagosën në kryeqytetin rajonal Zaporizhzhia herët të premten. Të gjitha viktimat ishin civilë.
Njerëzit në kolonë kishin planifikuar të udhëtonin në pjesën e pushtuar nga Rusia të rajonit për të marrë të afërmit e tyre dhe gjithashtu për të ofruar ndihma humanitare.
Një zyrtar lokal i instaluar nga Rusia fajësoi Ukrainën për sulmin vdekjeprurës, shkruan BBC.
Fotot dhe videot e para të postuara në rrjetet sociale tregojnë njerëz të vdekur dhe të plagosur nëpër rrugë.
Ndërsa raportohet se autokolona është goditur më shumë se 10 herë.
“Armiku nisi një sulm ndaj një autokolone humanitare në periferi të qytetit. Njerëzit ishin në radhë për të shkuar në territoret e pushtuara për të marrë të afërmit e tyre dhe për të ofruar ndihma humanitare”, shkroi guvernatori i Zaporizhia, Alexander Struck në një postim në Telegram.
Siç raporton Guardian, në orët e fundit Rusia ka kryer sulme me raketa në disa qytete në Ukrainë, përfshirë dhe Dipron.
