Prokuroria e Posaçme ka dërguar për gjykim 29 të pandehur mes të cilëve, pedagogë, staf akademik dhe biznesmenë, qa akuzohen si të përfshirë në abuzime me tenderat në Universitetin Bujqësor të Tiranës. Me herët me miratim të gjykatës, SPAK lëshoi 29 masa sigurie nga të cilat 5 arresti në burg, për të paktën 9 procedura prokurimi, ku financimi bëhej nga Agjencia Kombëtare për Kërkimin Shkencor dhe Inovacionin, duke shkaktuar një dëm financiar prej 90 milionë lekësh.
Në skemën e abuzimit dyshohen të përfshirë pedagoges e staf administrativ i universitetit, të cilët akuzohen për shpërdorim detyre, korrupsion dhe shkelje të barazisë në tendera. Mes personave me masë sigurie janë Eduart Terthorja, administrator i Universitetit, Altin Murto, drejtor i fondeve publike, Amarildo Lleshi drejtor i prokurimeve publike dhe Mehmet Qoshja, specialist për fondet.
Nga hetimet e SPAK ka rezultuar se 3 shoqëri tregtare kanë siguruar oferta ekonomike të falsifikuara, në emër të shoqërive tregtare të tjera, të cilat janë përdorur nga Universiteti dhe kanë ndikuar në fryrjen e fondit limit, pa bërë asnjë studim tregu. Në disa raste fituesit, thotë SPAK janë paracaktuar disa muaj para shpalljes së procedurave të prokurorimit.
