Një aksident i rëndë me pasojë vdekje ka ndodhur këtë të diel në Tropojë.
Një i ri 20-vjeçar ka mbetur i vdekur dhe është plagosur në gjendje të rëndë një tjetër.
Sipas Policisë, në aksin rrugor Bajram Curri-Valbonë, automjeti tip “Volksëagen” me drejtues shtetasin A. S., 20 vjeç, dyshohet se duke drejtuar automjetin me shpejtësi ka humbur kontrollin e tij dhe është përplasur me bordurën anësore të rrugës
Si pasojë e aksidentit ka humbur jetën pasagjeri në automjet, shtetasi E. Gj., 20 vjeç, banues në Bajram-Curri, ndërsa drejtuesi i automjetit, bashkëmoshatar i viktimës është dërguar në spitalin e Traumës, në gjendje të rëndë shëndetësore.
Grupi hetimor po punon për përcaktimin e shkakut të aksidentit.
