Një aksident ka ndodhur në Lushnje, kur një automjet i drejtuar nga një shtetase rreth 56 vjeçare ka hipur mbi trotuar, duke shkaktuar plagosjen e një kalimtari.
ngjarja ka ndodhur në afërsi të poliklinikës, në qendër të qytetit, kur shoferja, duke u munduar të dilte nga parkimi, ka ngatërruar marshin e mjetit.
Mjeti ka përplasur një 70 vjeçar, i cili ka marrë dëmtime dhe është dërguar për mjekim në spitalin e Lushnjës pas trajtimit fillestar në poliklinikë. Policia ka nisur hetimet për shkaqet e aksidentit, ndërsa drejtuesja e mjetit ka deklaruar se ka bërë një gabim gjatë manovrës së parkimit.
