Një tjetër tragjedi ajrore përfshin futbollin brazilian.
Ngjarja e rëndë ka ndodhur sot, me një fluturim privat që transportonin klubin e Palmas të Serie D të Brazilit, ku pësoi dëmtime gjatë ngritjes dhe u rrëzua.
Nga aksidenti kanë humbur jetën futbollistët Lucas Praxedes, Guilherme Noé, Ranule dhe Marcus Molinari si dhe presidenti i skuadrës Lucas Meira.
Ekipi po fluturonte drejt Goiânia për të luajtur një ndeshje të vlefshme për Copa Verde përballë Vila Nova, përcjell Ora News.
Deklarata e Palmas:
“Palmas Futebol e Regatas komunikon se rreth orës 8:15 të mëngjesit të së dielës ndodhi një aksident ajror që përfshiu klubin teksa ai ishte duke u nisur për Goiania, për ndeshjen midis Vila Nova x Palmas e vlefshme për Copa Verde.
Aeroplani në të cilin ndodhej presidenti Lucas, piloti Wagner dhe futbollistët Lucas Praxedes, Guilherme Noé, Ranule dhe Marcus Molinari, u ngrit dhe u rrëzua në fund të pistës së Tocantins.
Me keqardhje ju njoftojmë se nuk ka të mbijetuar. Në këtë kohë dhimbjeje dhe trishtimi, klubi kërkon lutje për anëtarët e familjeve të cilëve do t’u sigurojë mbështetjen e nevojshme”.
