Alarm në treg/ Luleshtrydhet me pesticide të rrezikshme mbushin Shqipërinë, tri ngarkesa hynë nga Greqia në javët e fundit

0
2

Në tregun shqiptar kanë hyrë tri ngarkesa me luleshtrydhe të importuara nga Greqia që kanë rezultuar të kontaminuara me pesticide të rrezikshme.

Të dhënat janë bërë publike nga sistemi i alarmit të shpejtë për ushqimin i Komisionit Evropian. Bëhet fjalë për për një ngarkesë të ardhur në Shqipëri në datën 1 Prill për të cilin produkti ‘Luleshtrydhe’ i importuar nga Greqia pas analizimit është konstatuar me praninë e mbetjes së pesticidit Clofentezine.

  • foto galeri
  • foto galeri
  • foto galeri

Ndërsa një ngarkesë tjetër ka mbërritur në vendin tonë në datën 17 mars dhe pas analizave luleshtrydhet kanë rezultuar me praninë e mbetjes së pesticideve Cyprodinil, Avermectin Bla dhe Fludioxonil, me risk për shëndetin e njeriut.

Por nuk mbaron me kaq, pasi më herët, në 5 Mars është konstatuar edhe një ngarkesë tjetër e produktit luleshtrydhe, i cili është konstatuar me praninë e mbetjes së pesticidit, Hexythiazox.

 

 

Nuk bëhet e ditur sasia e cila ka mbërritur në Shqipëri,as sasia që është shitur në treg për konsumatorin, por autoriteti kombëtar shqiptar thotë vetëm se operatori i biznesit ushqimor ka njoftuar subjektet ku ka shpërndarë për kthimin e saj në rast se e kanë ende gjendje.