Ambasada e Shteteve të Bashkuara të Amerikës në Tiranë, njofton se DEA, Agjencia e SHBA Kundër Narkotikëve ka hapur një linjë të re sinjalizimi për Shqipërinë dhe nxit këdo që ka informacion në lidhje me trafikun e drogës ose pastrimin e të ardhurave nga droga.
Një numër në aplikacionin WhatsApp dhe një adresë e-mail janë vënë në dispozicion të kujtdo që ka informacion dhe dëshiron ta ndajë atë me DEA-n amerikane, pasi garantohet plotësisht fshehtësia e të gjitha të dhënave të tyre.
Njoftimi i plotë i Ambasadës së SHBA në Tiranë:
Agjencia e SHBA Kundër Narkotikëve njofton një linjë të re sinjalizimi për Shqipërinë. DEA nxit këdo që ka informacion në lidhje me trafikun e drogës ose pastrimin e të ardhurave nga droga ta ndajë informacionin me personelin e DEA-s në:
WhatsApp në: +1 571 502-7846
ose
Me email në: [email protected]
Të gjitha të dhënat do të mbahen të fshehta. Shtetet e Bashkuara janë të përkushtuara të punojnë me Shqipërinë për të luftuar trafikun e drogës dhe pastrimin e parave të lidhura me to, për një të ardhme më të mirë për të gjithë shqiptarët.
