Këshilli Bashkiak i Cërrikut ka caktuar kryebashkiakun e komanduar pas dorëheqjes së Andis Sallës.
Florenc Doka është caktuar kryetar i komanduar i Bashkisë së Cërrikut deri në momentin kur do të mbahen zgjedhjet e parakohshme.
Ai mbante detyrën e nënkryetarit të Bashkisë së Cërrikut, post në të cilën u emërua pak para dorëheqjes së kryebashkiakut.
Doka ka mbajtur më parë postin e Sekretarit të Përgjithshëm të Bashkisë së Cërrikut, si dhe të drejtorit të Burgut Peqin.
Kryebashkiaku Andis Salla dha dorëheqjen nga detyra pasi u zgjodh nga Kryeministri Edi Rama si ministër i Bujqësisë në qeverinë e re.
Ai është dekretuar edhe nga Presidenti në detyrën e re, ndërsa të enjten pritet që ai dhe ministrat e tjerë të betohen në Parlament.
