Policia ka vënë në pranga autorin kryesor për vrasjen e Paulin Gjergjit dhe Bujar Likës më 30 maj 2020 në Kurbin.
I arrestuari është Eduard Lame, mbeti i plagosur në këmbë momentin kur ndodhi vrasja.
Lame është paraqitur në spital me një plagë, e cila ishte e infektuar. Atij i është komunikuar urdhërndalimi.
”Në kuadër të operacionit u kap në një klinikë private në Tiranë, shtetasi E. L., 30 vjeç, banues në Laç, i cili gjatë kryerjes së krimit ku mbetën të vrarë shtetasit B. H.,37 vjeç dhe P. Gj.,53 vjeç, si dhe u plagos shtetasi K. T., 21 vjeç, pati shkëmbim zjarri dhe për pasojë u plagos në këmbë edhe ky shtetas, i cili po mjekohej ilegalisht në një klinikë private në Tiranë”, thuhet në njoftimin e policisë.
Kapja dhe arrestimi i tij u bë i mundur nga Drejtoria Vendore e Policisë Lezhë dhe Drejtoria Vendore e Policisë Tiranë, të cilët finalizuan operacionin e koduar “Klinika”.
Arrestohen mjeket – Po gjatë operacionit u vunë në pranga dy mjekët në klinikën në të cilën mjekohej autori i vrasjes, konkretisht shtetasit V. M., 42 vjeç dhe B. L, 46 vjeç, banues në Tiranë, për veprat penale “Moskallëzimi i krimit” dhe “Veprime që pengojnë zbulimin e së vërtetës”.
Ndërkohë, janë identifikuar dhe shpallur në kërkim dhe tre bashkëpunëtorët në vrasje.
Vrasja- Biznesmenët Bujar Lika (Hasani) dhe Paulin Gjergji (Markaj)u ekzekutuan jasht ambjenteve te nje hoteli ne autostraden Milot-Mamurras prane fshatit Gjorm të Kurbinit.
Skena e krimit është fiksuar nga kamerat e sigurise të hotelit ku ndodhi ngjarje, teksa duket një person i maskuar që del nga nje automjet dhe qëllon në drejtim të dy përsonave.
Në ato momente 37-vjeçari Bujar Lika (Hasani) ka hapur zjarr ndaj atentatorit, duke qëlluar me pistolete dy herë në këmbë.
Dyshimet janë se vrasja e biznesmeneve është pasojë e konflikteve të vjetra dhe përplasjes mes grupeve kriminale.
Deri tani i ndaluar eshte 21-vjeçari Kreshnik Tusha.
oranews
