Biznesmeni nga Elbasani, por me banim herë pas here edhe në Gjermani ka qenë me të birin, kur është qëlluar ndaj tij. Dosja për të është në fakt e mbushur me ngjarje që kanë të bëjnë pak vite më parë.
Më shumë se me emrin e Petrit Çarçiut, hakmarrja vjen për shkak të dy vëllezërve të tij që aktualisht ndodhen në burg në Spanjë dhe Holandë për probleme me drogën.
Ndërkohë, në fshatin ku jeton 48-vjeçari, tri herë i kanë djegur lokalin. Gjithashtu, mësohet se ai ka pasur probleme me gruan e parë dhe të dytë, ku njëra prej tyre e ka denoncuar dhe në polici për dhunë.
Burimet e Policisë bëjnë me dije, se Çarçiu është kthyer nga Gjermania dhe ka hapur një biznes në fshatin e tij të lindjes. Por, mesa duket ata që kanë hesape me pjesëtarë të familjes së tij, duke aluduar se paratë e investuara janë nga droga, kanë tentuar ta vrasin në shenjë hakmarrje.
Ende nuk ka asnjë të dhënë për autorët e mundshëm, por Policia po verifikon disa dyshime për të shkuar tek emrat e atyre që qëlluan mbi të.
G. Shqip
