Një avion i linjës ajrore të United Airlines, i nisur për në Japoni, bëri një ulje të sigurt në Los Anxhelos të enjten pasi humbi një gomë ndërsa po ngrihej nga San Francisko.
Fluturimi mbante 235 pasagjerë dhe një ekuipazh prej 14 vetash, tha United. Linja ajrore tha se avioni, i ndërtuar në vitin 2002, ishte projektuar për t’u ulur në mënyrë të sigurt me goma të humbura ose të dëmtuara. Pasagjerët do të zhvendosen në një aeroplan tjetër për pjesën tjetër të udhëtimit, tha United.
Boeing 777 kanë gjashtë goma në secilën nga dy mjetet kryesore të uljes. Videoja e nisjes së Fluturimit 35 tregon aeroplanin duke humbur një nga gjashtë gomat në montimin e pajisjes kryesore të uljes në anën e majtë disa sekonda pas ngritjes.
Mbetjet e gomave u ulën në një parking të punonjësve në Aeroportin Ndërkombëtar të San Franciskos, tha në një deklratë zëdhënësi i aeroportit Doug Yakel dhe skush nuk u lëndua. Pista u mbyll për pak kohë për të pastruar mbeturinat, por tani është rihapur, tha ai.
Administrata Federale e Aviacionit do të hetojë, tha zëdhënësi Tony Molinaro.
Top Channel
