Javën e kaluar, Britney Spears dha një dëshmi tronditëse për jetën e saj të kontrolluar për më shumë se një dekadë duke kërkuar me çdo kusht lirinë. Përgjatë rrëfimit 20 minutësh, Spears tha se i ishte mohuar e drejta për t’u martuar dhe të patur një fëmijë për shkak të rregullave ligjore, që u vunë në fuqi në 2008.
Sipas TMZ, babai i këngëtares, Jamie ka mohuar akuzat e së bijës duke thënë se është përgjegjës vetëm për financat e saj, dhe duke ia hedhur fajin pasueses së tij, Jodi Montgomery për kufizimet rreth jetës së saj personale. Kjo e fundit zëvendësoi Jamie-n si kujdestar të Britney-t në 2019 për shkak të disa problemeve shëndetësore.
“Zonja Montgomery ka qenë plotësisht e ngarkuar me kujdesin personal dhe trajtimin mjekësor të përditshëm të Znj. Spears dhe Znj. Montgomery ka marrë të gjitha vendimet në lidhje me ato çështje”, thuhet në dokumentet ligjore. Për më tepër, thuhet se ai ka kërkuar nga gjykata të hetojë akuzat e ngritura nga e bija javën e kaluar.
Babai 68-vjeçar i tre fëmijëve ka paraqitur dokumente ligjore duke pretenduar se ai ka pasur zero përfshirje në konservatorin e vajzës së tij për gati dy vjet. Ai gjithashtu pretendoi se nuk kishte folur me Britney-n për një kohë të gjatë pasi i ishte ndërprerë komunikimi me të.
“Z. Spears beson se është e rëndësishme për integritetin e procedurave të konservatoritetit dhe në interesin më të mirë të zonjës Spears që Gjykata të urdhërojë një hetim mbi çështjet dhe pretendimet e ngritura nga Britney në seancën dëgjimore më 23 qershor 2021.“, thuhet në dokument. /abcnews.al
