Një meteor mbi Ohio shkaktoi një bum të madh që tronditi njerëzit deri në Pensilvani të martën në mëngjes. Meteori hyri në atmosferë rreth orës 9 të mëngjesit sipas orës lokale të marten. Raportet vërshuan nga Klivlend dhe sektorë të tjerë deri në lindje të Pitsburgut, Pensilvani, dhe në shtetin e Nju Jorkut.
Bill Cook, një zëdhënës i NASA-s, konfirmoi se meteori u pa pranë Medinës.Cooke tha se meteori po lëvizte me 45,000 mph, që sipas tij është e shpejtë për një njeri, por e ngadaltë për një meteor.
Zyra e mjedisit meteoroid të NASA-s tha se asteroidi kishte një diametër prej 2 metrash dhe peshonte rreth 6 ton. Pavarësisht peshës, NASA vuri në dukje se ai ende konsiderohet një asteroid i vogël.
Deri më tani, nuk ka raportime për gjetjen e ndonjë mbetjeje.
NASA, agjencia hapësinore amerikane, gjithashtu konfirmoi meteorin e raportuar të martën në mëngjes, duke thënë se analiza e të dhënave e vendosi dukshmërinë e parë të tij mbi liqenin Erie.
Meteorët janë vija të dukshme drite, të quajtura edhe yje që bien në gjuhë të folur, të cilat ndodhin kur meteoroidët hyjnë në atmosferën e Tokës me shpejtësi të lartë dhe digjen. Sipas një studimi, rreth 17,000 meteoritë bien në Tokë çdo vit.
