Qyteti më i madh i Brazilit të enjten më 1 prill përshpejtoi përpjekjet për të zbrazur varret e vjetra, duke i lënë vend një numri në rritje të vdekjeve Covid-19, ndërsa bashkia e qytetit e Sao Paulo regjistroi vdekje rekord të përditshme këtë javë.
Varrmihësit në varrezat Vila Nova Cachoeirinha në pjesën veriore të qytetit punuan për të hapur varret e njerëzve të varrosur vite më parë, duke grumbulluar mbetjet e dekompozuara për tu larguar në një vend tjetër.
Zhvendosja e mbetjeve është standarde në operacionet e varrezave, tha sekretari komunal përgjegjës për shërbimet e varrimit, në një deklaratë.
Por ajo është ktheyr në një urgjencë ndërsa Brazili vuan valën e tij më të keqe të koronavirusit që kur filloi pandemia mbi një vit më parë.
Ministria e Shëndetësisë e Brazilit njoftoi për 3,769 vdekje të reja Covid-19 të enjten më 1 prill , duke vendosur një rekord ditor për të tretën ditë radhazi.
Bolivia njoftoi të enjten se do të mbyllë kufijtë e saj për në Brazil, duke përmendur shqetësimet mbi një variant të ri të sëmundjes të zbuluar në fqinjin e saj më të madh.
Një ditë më parë, instituti biomjekësor Brazilian Butantan tha se kishte zbuluar një variant të ri që kishte ngjashmëri me atë të zbuluar për herë të parë në Afrikën e Jugut, i cili duket më rezistent ndaj vaksinave ekzistuese. Varianti i Afrikës së Jugut është më ngjitës, siç është një variant i mëparshëm i zbuluar në Brazil.
Kili gjithashtu mbylli kufijtë e saj për të gjithë të huajt të enjten, ndërsa vendosi masa shtrënguese të reja , pasi ajo kapërceu 1 milion raste të regjistruara që nga fillimi i pandemisë.
“Ajo që po ndodh në Brazil është një kërcënim global”, tha José Miguel Bernucci, sekretar i Shoqatës Kombëtare të Mjekëve të Kilit.
“Mbyllja e kufijve nuk do të na ndihmojë aq shumë me variantet që tashmë i kemi këtu, por me variantet e reja që mund të vazhdojnë të krijohen.”
Vendet përreth rajonit kanë shprehur shqetësimin se Brazili është një terren shumëzimi për variante të reja, pasi rastet rriten dhe Presidenti Brazilian Jair Bolsonaro refuzon të mbështesë maskat dhe bllokimet.
Pasi kishte shprehur më parë skepticizëm rreth imunizimeve, Bolsonaro tha të enjten se ai do të vendoste vetëm nëse ai do të merrte një vaksinë vetë pasi të gjithë brazilianët ishin vaksinuar.
Brazili ka qenë i ngadaltë për të filluar fushatën e tij të vaksinave, me vetëm rreth 7% të popullsisë që kanë marrë dozën e parë.
Brazili aktualisht përbën rreth një të katërtën e vdekjeve të përditshme të Covid-19 në të gjithë botën, më shumë se çdo vend tjetër.
Organizata Botërore e Shëndetësisë të enjten tha që spitalet braziliane ishin në gjendje kritike, me shumë njësi të kujdesit intensiv 90% të mbushura.
ora news
