Stuhia Darragh është përhapur me ritme të shpejta në të gjithë Mbretërinë e Bashkuar, duke shkaktuar probleme në të gjithë vendin, duke shtyrë dhe një numër të madh fluturimesh.
Zyra e Kabinetit lëshoi një alarm emergjence në orën 18:45 të së premtes për 3 milionë njerëz në zonat e mbuluara nga paralajmërimi i kuq i Zyrës së Meteorologjisë për erë në pjesë të Uellsit dhe Anglisë jugperëndimore.
Sistemi i alarmit të urgjencës dërgoi një mesazh për çdo telefon celular në këto zona, që përmban informacion në lidhje me paralajmërimin e kuq dhe udhëzime se si të qëndroni të sigurt deri të shtunën.
Kjo përfshinte një rresht që thoshte: “Erërat e forta mund të shkaktojnë mbeturina fluturuese, rënie të pemëve dhe valë të mëdha rreth zonave bregdetare, të cilat të gjitha mund të paraqesin rrezik për jetën. Qëndroni brenda nëse mundeni. Nuk është e sigurt për të vozitur në këto kushte.”
Top Channel
