I ka mbetur vetëm pak.
Armando Broja më në fund e bëri realitet dëshirën që pati për t’u kthyer në stërvitje, dhe kjo për herë të parë tek Evertoni.
Sulmuesi I kombëtares shqiptare u aktivizua në seancë nga trajneri Shon Dajsh, dhe pati momente kur me të vërtetë shkëlqeu, edhe pse tekniku u bluve të Liverpulit ka kërkuar që ai të jetë I kujdesshëm.
Gjithçsesi, gjithçka shkoi shumë mirë si herë e parë bashkë me shokët e ekipit.
Futbollisti 23-vjeçar shënoi gola, realizoi driblime, pati vrapime dhe ndryshim të kahut të lëvizjes I pashqetësuar nga problemi në tendinn e Akilit apo dikur në gju.
Nuk mund të thuhet me siguri se kur ai mund të jetë në fushë për ndeshjet zyrtare, por ndoshta kjo gjë mund të ndodhë që këtë vit, ndërsa ende nuk ka mbërritur mesi I nëntorit.
Edhe pse sulmuesi I ka humbur ndeshjet me kombëtaren, sërish ai shpreson të rinisë sa më shpejt karrierën, që I është penguar për dy vjet me radhë që kur pësoi dëmtimin e rëndë në gju tek Çelsi në dhjetor të 2022-it.
Për herë të fundit, ai ishte në fushë për Fulhamin, në ndeshjen e humbur 0-4 me Mançester Sitin në Premier Ligë në 11 maj të këtij viti
