Alarm në Budapest kohët e fundit pasi sorrat sulmojnë njerëzit dhe qentë, madje duke u shkaktuar atyre lëndime të rënda.
Gjatë kësaj periudhe sorrat kujdesen për të vegjlit e tyre. Kështu ata do të sulmojnë çdo gjë që e shohin si të dyshimtë. Madje, në një postim në Facebook, bashkia paralajmëron se sorrat janë agresive për momentin. Për t’i kapur tani ata përdorin kurthe të krijuara posaçërisht për ta.
“Korbët janë agresivë në këtë kohë të vitit, sepse po mbrojnë të vegjlit e tyre. Ata nuk i tolerojnë njerëzit apo qentë pranë foleve të tyre. Qëndroni larg foleve të tyre”, paralajmëruan autoritetet lokale.
Në fakt, një nga viktimat e tyre duhej të dërgohej në spital me gjakderdhje në kokë, ndërsa autoritetet e lagjes 13 të kryeqytetit hungarez morën disa raportime për një sulm nga një sorrë.
Sipas gazetës “Nepszava”, sorrat janë agresive nga fundi i prillit deri në mes të qershorit kur mbrojnë zogjtë e tyre.
Është tregues se një vit më parë, kopshtet e fëmijëve u sulmuan nga sorrat në rajon.
