Nga veriu në jug, të gjitha zonat rurale po përjetojnë shpopullimin më masiv. Një çift bashkëshortësh në Dibër prindër të fëmijëve por që sot jetojnë vetëm janë dëshmia më e qartë e realitetit të hidhur me të cilin po përballet sot vendi ynë, sidomos në zonat rurale.
Lutfi e Elmije Dema nga Trepça e Dibrës, janë prindër të 9 fëmijëve.
Por, sot ata kanë mbetur veç burrë e grua me shtëpinë bosh në fshat.
Të gjithë fëmijët ikën.
Elmije Dema: “Nëntë fëmijë kemi. Asnjë nuk kam në shtëpi. Të gjithë i kam në Itali, në Greqi. Vetëm me bashkëshortin jam.
Thonë se janë të lumtur me jetën në fshatin e tyre, dhe se nuk munden ta braktisin dot.
Lutfi Dema: “Mundësitë i kemi të ikim edhe andej por na dhimbset vendi, drejtësisht. Na dhimbset edhe si vend, edhe si jetesë. Në vend që t’na japin fëmijët, u japim ne fëmijëve, vëllezërve.”
Elmije Dema: “Jemi shumë bukur këtu ku jemi. Punojmë, jetojmë.
Kujdesen për bagëtitë dhe për tokën, ndërsa prodhimet ua dërgojnë 9 fëmijëve të tyre në emigrim.
Lutfi Dema: “Qumësht, gjalpë, gjizë, pa masë. Kush vjen këtu, gjer në Vlorë pa lek…”Elmije Dema: “Një hektar e gjysmë kam qershia. Tani do të shkoja në fushë të mbledh ftoj. Nuk kam shumë, i mbajmë për vete, u japim fëmijëve.”
Nga veriu në jug, të gjitha zonat rurale po përjetojnë shpopullimin më masiv.
