Ish trajneri i Milanit, Romës dhe Juventusit, Fabio Capello ka thënë se do ta shkëmbente pa hezituar Paulo Dybalan me sulmuesin e Tottenhamit, Harry Kane
Capello ka kaluar tri vite në Juventus prej vitit 2004 dhe 2007 por nuk ka arritur që ta përsëriste suksesin që kishte pasur me Milanin dhe Romën sa ishte në Torino.
Ish trajneri beson që Dybala do të rikthehet të ditët e tij më të mira derisa ka thënë se COVID-19 është “një arsyetim” për problemet e tij të tanishme.
“Covid është arsyetim, veçanërisht për një lojtar si Dybala, i cili ka nevojë të driblojë më shumë”, tha Capello për La Gazzetta dello Sport.
“Mendimi i imë është se ai ende nuk është lojtar i formuar. Ai shpërthem por ende ka dyshime. Sigurisht që ka cilësi; ai me të vërtetë i ka të gjitha që i duhen”.
“Ai ka nevojë për gjendje më të mirë fizike që të rikthehet tek më e mira e tij. Paulo ka nevojë që të jetë 100 për qind mirë, për shkak se nëse ai nuk është mirë fizikisht, atëherë duhet të përballesh me kundërshtarë, me trajner madje edhe me klub”.
“Dybala mund të bëj gjithçka mirë në fushë, madje të luaj edhe si tri kuartist me Moratan dhe Ronaldon”.
Capello thotë se ai do t’i shkëmbente Dybalan me yllin e Manchester Unitedit Paul Pogba dhe shtoi se argjentinasi ja kujton atij Dejan Savicevicin.
“Paulo me kujton Savicevicin, ai gjithashtu preferonte të startonte në të djathtë”, vazhdoi Capello. “Ai kishte vizion të madh dhe aftësi të mëdha dribluese”.
“Ai kishte fuqi të mëdha në këmbë dhe kështu i shpëtonte ndërhyrjeve. Dybala është më i mirë në finalizim kurse Dejan bënte më shumë asiste. Ai kishte pasim të shpejt. Dybala është më shumë individualist”.
“Unë them që Juventus duhet ta shkëmbej me Pogban. Nëse unë do të isha aty do ta shkëmbeja pa hezituar Dybalan me Harry Kane”. /GazetaExpress/
