Mbrëmjen e sotme, një makinë e tipit “Range Rover” është përfshirë nga flakët.
Makina është në pronësi të shtetases Françeska Jaçe, banuese në Vlorë. Burime për “ABC News” kanë bërë me dije se zjarri dyshohet t’i jetë vënë me dije qëllimisht dhe se fatmirësisht nuk ka dëme në njerëz, por vetëm dëme materiale.
Njoftimi i policisë:
Më datë 29.03.2021, rreth orës 21:04, në lagjen “ Pavarsia”, Vlorë, ka rënë zjarr dhe është djegur pjesërisht një mjet i markës “Range Rover”, në pronësi të shtetases Franceska Jaçe., banuese në Vlorë.
Grupi hetimor po punon për zbardhjen e rrethanave të ngjarjes dhe shkakut të rënies së zjarrit.
Vetë modelja dhe ish-banorja e “Big Brother” s’ka reaguar rreth kësaj ngjarjeje në rrjete sociale, ndërsa postimi i saj i fundit është në avion, me vendndodhjen Brazil.
E ftuar në një intervistë 60-sekondëshe në Prive, Jaçe u pyet nëse është e majtë ose e djathtë, pyetje të cilës iu përgjigj kështu:
“Kam ndërmend që të hedh vetë kandidaturën në Vlorë si deputete e Vlorës, kështu që ngelet për t’u parë”.
icon.style
