Elbasani u shpall kampion në Kategorinë e Parë në sezonin e fundit, duke siguruar kështu ngjitjen në elitë. Me rikthimin e Elbasanit në Superiore edhe tifozët e këtij ekipi janë të ekzaltuar për sezonin e ri.
Tifogrupi ultras, “Tigrat Verdheblu” vijnë me risi për këtë sezon të ri. Një bluzë e re, e cila sipër mban vitin e krijimit të ekipit 1913 dhe me logon “casual”, e cila nënkupton “ultrasit”.
Njoftimi i tifogrupit “Tigrat Verdheblu”:
ATY KU NA TAKON! Nuk ka më nostalgji, rikthejmë në jetë “uniformën” historike tonën e veshur herën e fundit në elitë. Sezoni 24/25 sjell hapjen e një faqe të re në librin që po shkruhet . . . Pagesa prej 1500 lekësh përfshin anëtarësimin në grupim dhe pajisjen me bluzën e re të sezonit 24/25. Çfarë prisnim prej vitesh erdhi, ta festojmë e shijojmë sëbashku! Anëtarësimin mund ta kryeni në Fan Club, bulevardi kryesor përballë Xo Caffe. Për Qytetin, Për Sportin, Për Elbasanin!
