“Blues” e kanë bërë gati këtë super-ofertë për sulmuesin italian, Juventusi s’duket i bindur. Chiesa shkëlqeu në Kampionat Evropian
Federico Chiesa ishte sensacion i Kampionatit Evropian të futbollit. Sulmuesi italian bëri paraqitje të shkëlqyeshme me “Azzurrët”, duke i ndihmuar ata që të shpallen kampionë evropianë, përcjell Gazeta Express.
Dhe, kjo ka bërë që klubet e mëdha evropiane t’ia vënë syrin ish-futbollistit të Fiorentinës. Në fakt, mediat britanike shkruajnë se Chelsea ia ka ofruar Juventusit 100 milionë euro për përfaqësuesin italian.
Tash, i mbetet klubit Bardhezi të vendos nëse do të shesë apo jo Chiesan. Por, mediat italiane raportojnë se “Bianconeri” e shohin atë si udhëheqësin e ekipit në sezonet e ardhshme. /Gazeta Express/
