Një studim i fundit ka gjetur prova të forta, se një formë e re e koronavirusit është përhapur nga Evropa në ShBA. Mutacioni i ri bën që virusi të ketë më shumë të ngjarë të infektoj njerëzit, por nuk duket se ai shkakton simptoma më serioze nga mutacioni paraprak, shkruan CNN.
“Ne kemi gjetur një formë dominante të virusit, që i infekton shumë më lehtë njerëzit”, tha Erica Ollmann Saphire për CNN. “Tani ky është virus i ri”, shtoi ajo.
Ky studim i botuar në revistën Cell, bazohet në disa studime të mëparshme, që ekipi ka bërë dhe i ka lancuar në fillim të vitit.
Informacioni i përbashkët për sekuencat gjenetike kishte treguar, që një version mutant i virusit kishte filluar të përhapet. Ekipi jo vetëm që ka kontrolluar më shumë sekuenca gjenetike, por ka realizuar edhe eksperimente që përfshijnë njerëz, kafshe dhe qeliza laboratorike, që tregojnë se versioni mutant është më infektues se versionet e tjera.
Ky mutacion ndikon në proteinën, e cila është struktura që virusi e përdor për të hyrë në qelizat që i infekton. Tani studiuesit po hulumtojnë për të parë nëse kjo gjë ndikon në efikasitetin e vaksinave. Vaksinat që po testohen aktualisht synojnë këtë proteinë, duke përdorur zingjirë të vjetër të virusit.
Shkencëtarët e quajnë mutacionin G614 dhe ata tregojnë se ai ka zëvendësuar pothuajse plotësisht versionin e parë të virusit D614 që u përhap në Evropë dhe ShBA.
“Të dhënat tona tregojnë se variant G614 përhapet më shpejt se D614”, tha biologu Bette Korber nga laboratori kombëtar në Los Alamos. “Kjo do të thotë që virusi aktual përhapet shumë më shpejt por nuk është më patologjik se ai paraprak”, shtoi ai.
Version i ri duket se shumohet sidomos në traktin e sipërm respirator, në hundë, sinuse dhe fyt, gjë që e shpjegon përhapjen e tij më të shpejtë.
Në bazë të testimeve të kryera, thuhet se forma G e virusit është tre deri në nëntë herë më infektive se forma D e tij.
Me anë të këtij studimi, shkencëtarët sugjerojmë që ekziston një shpresë se ndërsa përhapet, infeksioni COVID-19 mund të bëhet më pak patologjik. /Gazeta Express
