Ka ndërruar jetë këtë të hënë, kritiku i njohur i artit elbasanas, Astrit Lopari.
Lopari u nda nga jeta në moshën 72 vjeçare, pas një beteje dy javore me koronavirusin.
Gjatë kësaj të hëne ai pësoi tri goditje në zemër, ku e fundit rezultoi fatale për jetën e tij.
Lopari drejtoi për një periudhë të gjatë me sukses Shkollën Artistike “Onufri” në Elbasan, nga e cila kanë dalë dhjetra talente të mirënjohur të artit, violinistë, pianistë, këngëtarë, dirigjentë, trombistë, klarinetistë, kompozitorë, tenorë, dhe piktorë të mirënjohur në rang kombëtar e ndërkombëtar.
