Një ushtar rus do të dalë sot në gjyq për vrasjen e dyshuar të një civili ukrainas të paarmatosur. Ky është rasti i parë i krimit të luftës që shkon në gjykatë që nga fillimi i pushtimit rus.
Vadim Shysimarin pritet të dënohet me burgim të përjetshëm sipas dënimeve të përcaktuara në seksionin e kodit penal të Ukrainës që trajton ligjet dhe zakonet e luftës.
Avokati i tij, Victor Ovsyanikov, tha se çështja kundër tij është e fortë, por vendimi përfundimtar mbi provat që kanë do të merret nga gjykata në Kiev, raporton AP news. Ai tha se ai dhe klienti i tij ende nuk kishin vendosur se çfarë deklarate do tëjapin.
Prokurorja e Përgjithshme e Ukrainës Iryna Venediktova ka thënë se po shqyrton më shumë se 10,700 krime lufte që përfshijnë më shumë se 600 të dyshuar, duke përfshirë ushtarë rusë dhe zyrtarë qeveritarë.
