Vitet e fundit, breshëri është kthyer në një fenomen thuajse të përvitshëm duke sjellë dëme të konsiderueshme tek të mbjellat në Qarkun e Korçës. Fatmirësisht këtë vit, një ndër frutat e kultivuar në këtë Qark që është kumbulla, ka pësuar dëmtime më të vogla nga breshëri ndërsa në përgjithësi, prodhimi ka qenë cilësor dhe i kërkuar në treg.
Një nga zgjidhjet më efikase, për të menaxhuar riskun klimaterik dhe dëmet që vijnë si rrjedhojë e ndryshimeve të shpeshta e të paparashikuara të klimës, është vendosja e rrjetave anti breshër për të mbrojtur prodhimin.
Përdorimi i tyre lejon fermerët që të mbajnë një furnizim të vazhdueshëm në treg duke ulur rrezikun e humbjes së prodhimit, siguron rritjen e cilësisë, minimizimin e dëmit dhe uljen e shpenzimeve agro-teknike, etj. Në Qarkun Korçë, sipërfaqen më të madhe me kumbulla e zë bashkia e Korçës me 165 HA pemë dhe më pas Devolli me 143 HA.
rtsh
