Shkarkohet drejtoresha e Spitalit të Dibrës, Irini Shehu. Vendimi erdhi pas denoncimit se ajo kishte dhunuar shefin e financës së spitalit.
Irini Shehu është kryetare e Këshillit Bashkiak të Dibrës si përfaqësuese e PS.
Në zgjedhjet parlamentare të 2021, Irini Shehu ka kandiduar për PD-në.
Si ndodhi ngjarja e paprecedentë
Shaban Uklala 37 vjeç, banues në Peshkopi, me detyrë përgjegjës finance është paraqitur në komisariat disa ditë më parë dhe ka kallëzuar se në ambientet e spitalit pas një konflikti verbal, është goditur me një send të fortë në fytyrë nga Irini Shehu 44 vjeçe, banuese në Peshkopi, me detyrë drejtoreshë e spitalit.
Pas fyerjeve personale mes drejtoreshës Irini Shehu dhe shefit të Financës, Shaban Uklala gjatë një mbledhje të stafit, është zhvendosur në zyrën e këtij të fundit pak më vonë.
Mësohet se drejtoresha i ka shkuar në zyrë Uklalës dhe gjatë përplasjes verbale ka marrë një shishe dhe e ka goditur në fytyrë duke i shkaktuar demtime. Uklala është qepur dhe ka shkuar në Drejtorinë e Policisë për të bërë kallëzimin.
Motivet e konfliktit mbeten ende të panjohura.
(BalkanWeb)
