Një zjarr mëngjesin e sotëm shkrumboi një stallë me derra në fshatin Ravonik të Korçës.
E gjithë gjëja e gjallë dhe baza ushqimore u dogjën plotësisht ndërsa dyshohet se ngjarja ka ndodhur për shkaqe aksidentale.
Për pronarin e stallës Daniel Frashëri kjo ishte e vetmja mundësi të ardhurash të cilën tregon se e kishte ngritur me shumë sakrificë. Për babanë e dy fëmijëve tani gjithçka është më e vështirë ndaj ai kërkon ndihmë
Ngjarja ndodhi rreth orës 7.50 minuta dhe ishte babai i pronarit të stallës i cili zbuloi çfarë kishte ndodhur.
Ai shkoi si çdo mëngjes për tu kujdesur për derrat por pa se stalla ishte në flakë dhe pavarësisht përpjekjeve nuk mundi të shpëtonte asgjë.
