Rastet e familjeve të varfëra dhe me probleme në Shqipëri nuk mungojnë. Një i tillë është rasti i Saimir Metushi një 29 vjeç i cili prej dy vitesh qëndron i shtrirë cepin e dhomës tij në fshatin Linas së Cërrikut.
Ai vuan nga probleme të shëndetit mendor, ndërsa shpesh-herë bëhet i dhunshëm!
Por, drama në familjen Metushi nuk ndalet me Saimirin, pasi edhe dy prindërit e tij vuajnë nga probleme të shëndetit mendor.
Gazetarja e Ora News Edisona Skënderi ishte për të parë nga afër situatën e vështirë në të cilën gjendej familja Metushi.
Gazetarja: Sa vite keni që jetoni kështu?
Nëna e Saimirit: Tërë jetën, tërë jetën. Qe vjehrra ashtu, qe vjehrri kështu.
Gazetarja: Djali ashtu ka lindur?
Nëna e Saimirit: Ashtu pra.
Sipas një dokumenti që tregon Feride Metushi, babi dhe djali i familjes duhej të ishin të shtruar në spitalin psikiatrik rreth 4 vite më parë.
Edhe banorët e lagjes apelojnë ndaj institucioneve që të dy të sëmurët, të trajtohen nga specialistët.
Gazetarja: Ka pasur raste kur kanë ndodhur incidente me djalin apo qoftë edhe me Kasemin
Banore: Përpara ka pasur, Kasemi me djalin po.
Institucionet shqiptare janë kritikuar shpesh-herë në lidhje me trajtimin e personave që vuajnë nga problemet e shëndetit mendor.
Ora news
