Dy persona kanë marrë pjesë në vrasjen e 35 vjeçarit Albi Bashaliu në fshatin Gjoçaj të Peqinit.
Pronari i lokalit shumë pranë vendit ku u ekzekutua 35 vjeçari Albi Bashaliu ka parë gjithë skenën e vrasjes.
I riu është dhe i njohur i tij dhe ai ka treguar për gazetarët se çfarë ka ndodhur. Nga mënyra si është kryer krimi duket që ka qenë çdo gjë e mirëmenduar.
“Një makinë ishte parkua afër punës time (Lokali). Ishte me targa shqiptare e me xhama të zinj. “Zotëria (flet për viktimën) sa doli nga makina ata e qëlluan.
Autorët
Dëshmitari përshkruan autorët si dy djem të rinj.
“Ishin me xhinse e pantallona të zi e xhaketë të zi, maskë anticovid. Ngritur jakat lart. Ishin djem të rinj. Njëri doli me pistoletë. Në momentin kur u qëllua u frikësuam të gjithë. Unë doja të dilja pasi viktima është njeriu im, por ai që ishte me pistoletë më tha: Futu brenda ti zotëri”
Djegia me benzine
Njëri prej autorëve ka dalë nga makina për të kryer krimin ndërsa tjetri e ka pritur në makinë.
“Njëri bëri vrasjen njëri qëndroi aty (tek makina). Tjetri pasi e vrau e qëlloi edhe një herë dhe më pas i kontrolloi xhepat dhe i mori çelësin e makinës. Ndezi makinën e viktimës.
Në këtë kohë personi që ka qenë në makinë i ka vënë zjarrin makinës me të cilën udhëtuan deri aty.
“Ai tjetri hodhi benzinë makinës së tyre, hipën në makinën e viktimës dhe u larguan. Makinën e vet e dogjën dhe ikën drejt” Tregon dëshmitari duke bërë me dorë dhe rrugën nga kanë ikur autorët. Thotë më tej se autorët nuk ishin të rrëmbyeshëm por ishin të qetë”
