Tre persona të maskuar kanë grabitur filialin e BKT në Koplik. Gazetari Simon Shkreli bën me dije për abcnews.al se tre personat e maskuar kanë hyrë në filialin e bankës duke marrë një shumë parash dhe më pas janë larguar me një makinë tip “Golf 4” të zi.
Menjëherë pas largimit të grabitësve, punonjësit e bankës kanë njoftuar sigurinë si edhe policinë, të cilët ndodhen në vendin e ngjarjes duke bërë këqyrjet e nevojshme me qëllim gjetjen e provave të mundshme të lëna nga grabitësit.
Ngjarja sapo ka ndodhur dhe nuk dihet ende shuma e parave të grabitura, ndërkohë që raportohet për gjetjen e një makine të djegur në periferi të qytezës.
