Pas 16 javësh, gjyqi përfundoi sot. Seanca e mëngjesit të sotëm ishte më e shkurtër se sa ishte menduar. Gjatë seancës kryetari i gjykatës, Roger Arata, shqyrtoi vendimet e fajësisë që ai dhe katër gjyqtarë të tjerë dhanë për 51 të pandehurit.
Gisèle Pelicot ishte thjesht një gjyshe franceze pensioniste anonime kur hyri për herë të parë në derën e gjykatës së Avignon. Pak gazetarë e prisnin atë atëherë.
Sot, kur zbriti për herë të fundit shkallët e gjykatës, ishte një ikonë feministe.
Mbi njëqind gazetarë ndoqën çdo lëvizje të saj, ndërsa ajo vendosi dorën në zemër dhe buzëqeshi pa fjalë, duke falënderuar turmat e mbështetësve që brohoritën emrin e saj.
Kur makina e saj u largua, mbështetësit fshinë lotët e tyre. Mirënjohja e tyre për këtë grua të vogël, por të jashtëzakonshme ishte e dukshme.
Ajo do të mbahet mend për një kohë të gjatë./L.F-dritare.net
