Korçë: Rast i rëndë dhune ndaj 55 vjeçares Diana Mulla. Ngjarja ka ndodhur 6 ditë më parë në banesë, ku bashkëshorti i Dianës, Fatos Mulla, e ka shtyrë në shkallët e shtëpisë private, duke i shkaktuar thyerje të këmbës së djathtë.
Mësohet se ai e ka mbajtur në banesë deri ditën e djeshme, e më pas e ka çuar në spital, aty ku e dhunuara ka treguar për bluzat e bardha se bashkëshorti e ka shtyrë. 55 vjeçarja ka probleme shëndetëasore, ku ka pësuar paralizë dhe vuan nga zemra, pra konsiderohet si person invalid.
Ajo tregon se bashkëshorti e dhunonte prej kohësh, ndërsa nuk ka guxuar ta denoncoje për shkak të frikës. Denoncimi u bë sot prej saj në uniformat blu, ndërsa bashkëshorti Fatos Mulla u shoqërua në komisariat për të dhënë deklaratën e tij dhe për tu përballur me veprën penale që do të përcaktohet nga prokurori i gatshëm.
Shkak për shtyrjen është një motiv banal, një gotë vaji siç thuhet nga ana e të dhunuarës. Përgjatë këtyre ditëve, bashkëshorti nuk e ka lejuar të kontaktojë më familjarët e saj ndërsa bëhet me dije se vajza e vetme e çiftit jeton prej vitesh në Itali.
Dëmtimet e shkaktuara nga dhuna, janë të pariparueshme, sipas burimeve nga spitali dhe bluzave të bardha, të cilët tregojnë se është shumë e vështirë për të kuruar totalisht këmbën e djathtë, dhe ka rrezik që të dëmtuarës të mos i funksionojë këmba.
