Një person ka humbur jetën ditën e sotme, pasi e ka zënë korrenti duke punuar në banesë.
Rreth orës 12:15, në qendrën shëndetësore të Roskovecit, është dërguar pa shenja jete, shtetasi S. B., rreth 43 vjeç, banues në Berat.
Ky shtetas dyshohet se aksidentalisht ka rënë në kontakt me rrymën elektrike duke kryer punime në banesën e shtetasit E. K., banues në fshatin Suk, Roskovec.
Shërbimet e policisë kanë shoqëruar në stacionin e policisë shtetasin E. K., për veprime të mëtejshme hetimore.
Grupi hetimor vijon punën për sqarimin e plotë të rrethanave të rastit.
