Humbja e Napolit në shtëpi ndaj Fiorentinës nuk është pritur mirë nga mediat italiane, të cilat e quajnë si mision të dështuar garën për titull, edhe pse shpresat nuk janë të vogla.
Gjithashtu, ato duket se sulmojnë ashpër dhe mbrojtësin shqiptar që luan për Kosovën, Amir Rrahmani, të cilin e cilësojnë si lojtarin më të dobët të ndeshjes.
“TuttoMercatoWeb” e vlerëson mbrojtësin me notën 5 dhe më të dobëtin në fushë, nga ana tjetër “Tuttosport” i jep notën 4.5 dhe shkruan se më e mira do të ishte sikur ai të mos luante.
Edhe “Il Mattino” e vlerëson me notën 4.5 Rrahmanin, duke shkruar se Kabral ndoshta e bëri me halucinacione. Ndërkohë që “Corriere dello Sport” i vendos qendërmbrojtësit notën 4.
