Qindra statuja të lashta prej bronzi dhe sarkofagë të ruajtur mirë, të zbuluara në Saqqara të Egjiptit, u shfaqën për publikun.
Arkeologët thanë se bëhet fjalë për relike që i përkisnin dinastive egjiptiane të varrosura në nekropolin Saqqara në të kaluarën, por gjetja e fundit shënon zbulimin e parë dhe më të madh të statujave prej bronzi në këtë zonë nga periudha e vonë, ose shekulli i 5-të para Krishtit
150 statujat e zbuluara u modeluan sipas perëndive faraonike, duke përfshirë mbrojtësin e varreve, Anubis; perëndia e krijimit të ditës, Nefertem; dhe perëndia e diellit dhe e ajrit, Amun.
Ata u zbuluan nga një mision arkeologjik egjiptian që punon që nga viti 2018 në zonë, e cila shtrihet 18 milje në jug të Kajros.
Arkeologët gjetën gjithashtu enë bronzi, që besohet se janë përdorur gjatë ritualeve të lutjes për perëndeshën e pjellorisë, Isis.
250 sarkofagë të tjerë me ngjyra, prej druri, me mumie të ruajtura mirë, statuja druri, maska druri me bojë ngjyrë ari dhe dhjetëra figurina macesh u zbuluan nga misioni.
Ekipi gjeti gjithashtu një rezervë zbulimesh të epokës së Mbretërisë së Re që datojnë në shekullin e 15-të para Krishtit, duke përfshirë një pasqyrë bronzi, byzylykë, gjerdan, vathë dhe ankle.
