Një njësi e kujdesit intensiv për të sëmurët me Covid-19 në një spital në Egjip u përfshi nga flakët mbëmjen e djeshme, duke lënë të vdekur 7 pacientë.
Policia lokale tha që zjarri shpërtheu në një spital privat në Obour, një rreth periferik i zonës më të madhe të Kajros.
Si pasojë e flakëve, 5 pacientë mbetën të plagosur, ndërkohë qe pjesa tjetër u evakuuan në spitalet aty pranë.
Sakaq zjarrfikësit kanë shuar flakët dhe kanë nisur menjëherë hetimet në lidhje me ngjarjen.
E përditshmja shtetërore al-Ahram raportoi se sipas një hetimi fillestar shkak i zjarrit është bërë një qark të shkurtër elektrik.
Egjipti ka njohur një rritje të rasteve të konfirmuara të koronavirusit, duke e detyruar qeverinë të rihapë shumicën e spitaleve të saj për të trajtuar dhe izoluar pacientët COVID-19 pasi vala e parë e pandemisë u qetësua.
Ministria e Shëndetësisë raportoi numrin më të lartë ditor të rasteve të konfirmuara të premten në 1,113, së bashku me 49 vdekje.
Ora tv
