Një 52-vjeçar u arrestua nga policia në aksin rrugor Librazhd-Elbasan pasi po transportonte një familje me 5 anëtarë nga Afganistani drejt Kosovës.
Policia bën me dije se shtetasi Florenc Koçibellinj 52 vjeç banues në Korçë përfitonte 200 euro për person për kalimin e paligjshëm.
“Në aksin rrugor Librazhd-Elbasan, shërbimet e Policisë kapën në flagrancë shtetasin F.K., 52 vjeç, banues në Korçë, i cili transportonte një familje me 5 pjestarë nga Afganistani , të cilët i kishte marrë në Korçë dhe po i transportonte në drejtim të kufirit të Kosovës, kundrejt fitimit 200 € për person” – njofton policia.
Në përfundim të veprimeve u bë arrestimi në flagrancë i shtetasit F.K, për veprën penale “Ndihma për kalim të paligjshëm të kufirit, kundrejt fitimit dhe materialet i kaluan Prokurorisë së Rrethit Gjyqësor Elbasan, për veprime të metejshme./elbasaniflash.al
