Elbasan\ Asistence mjeksore falas ne qender te qytetit

Ne kuadër të zbatimit të Planit të masave për përballimin e të nxehtit edhe në qytetin e Elbasanit është instaluar një prej pikave të hapura enkas për asistencë mjekësore për qytetarët që do të kenë nevojë.

Prej 3 ditesh një ekip i urgjences se Elbasanit është pozicionuar në qender të qytetit per tju ofruar asistenci mjeksore qytetarëve që shfaqin probleme si pasojë e ekspozimit në diell.

Mjeku Ergys Mici shprehet se gjatë vizitave të rastesishme disa prej qytetarëve kanë shfaqur probleme serioze dhe janë derguar menjehere në spitalin e Elbasanit.

Kryesisht sherbimi mjeksor konsiston në matje tensioni, nivelin e dehidratimit apo edhe luhatje të diabetit.Mjeku thotë se ky sherbim ofrohet nga ora 11:00 deri në orën 18:00 ndersa aplikon per kujdes.