Drejtoria Vendore e Policisë Elbasan
Specialistët e Komisariatit të Policisë Cërrik arrestuan në flagrancë shtetasin A. K., 43 vjeç, pasi ka ushtruar dhunë ndaj nënës së tij.
Specialistët e Qarkullimit Rrugor arrestuan në flagrancë shtetasin R. B., 35 vjeç, pasi drejtonte automjetin, në gjendje të dehur.
Specialistët për Hetimin e Krimeve ndaj Personit të DVP Elbasan referuan materialet në Prokurori ku nisi procedimi penal për shtetasin A. M., 55 vjeç, pasi ka kanosur me fjalë punonjësit e një firme që po kryen punime për rindërtimin e një objekti, që të mos kryenin punime.
Specialistët e Komisariatit të Policisë Elbasan referuan materialet në Prokurori dhe shpallën në kërkim shtetasin S. M., 37 vjeç, pasi ka ushtruar dhunë ndaj bashkëshortes së tij, e cila u pajis me urdhër mbrojtjeje. Vijon puna për kapjen e 37-vjeçarit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
