Emrin e mban “Rruga e re” por që e tillë nuk po bëhet.
Ky aks në Elbasan, nisi të rikonstruktohet në ditët e para të shkurtit, por që sot asnjë makineri nuk shihet duke punuar.
Sipas banorëve puna këtu mbeti përgjysmë, dhe zhavorri i hedhur në këtë rrugë vetëm e përkeqësoi situatën .
“Prish këtu, prish atje, po e arnojnë,” thotë një banor.
“Po na shqetëson se tymi që është, rrobat i fusim brenda se nuk i merr dot,” thotë banorja.
“Po na shqetëson se tym i madh na hyn deri në pallat,” thotë një tjetër.
Thonë se e kanë të vështirë të hapin dritaret pasi pluhuri i shkaktuar nga mbetjet e inerteve të lëna në rrugë u futet në shtëpi.
“Nuk është hedhur zhavorri këtu, është gërryer me makinë edhe po bën 2 javë që kjo ka ngelur kështu dhe ne po hamë pluhur në gjellë, pale tymi që na hyn në shtëpi, po e lyejmë disa herë. Batanijen e krevatit duhet ta shkundësh një herë pa të flesh se mbushet shumë keq,” thotë banori.
Në zonë nuk gjendet as tabela orientuese për t’u informuar mbi afatin e punimeve.
Siç duket strategjia e investimeve të kryebashkiakut të Elbasanit do të jetë direkt e lidhur me fushatën elektorale të PS, duke i zvarritur ndërhyrjet e vogla në pranë të zgjedhjeve të 25 Prillit.
Ora news
