Specialistët për Hetimin e Krimeve të Komisariatit të Policisë Cërrik u referuan materialet në Prokurori dhe nisi procedimi penal për shtetasin T. R., 30 vjeç, banues në Cërrik, pasi për motive të dobëta, ka thyer xhamin e lokalit të shtetasit F. H.
Specialistët e Qarkullimit Rrugor arrestuan në flagrancë shtetasin K. K., 35 vjeç, banues në Elbasan, pasi u kap nga shërbimet e Policisë, duke drejtuar automjetin, në gjendje të dehur. Specialistët për Hetimin e Krimeve të Komisariatit të Policisë Elbasan referuan materialet në Prokurori dhe nisi procedimi në gjendje të lirë për shtetasit U. G., 24 vjeç, P. V., 22 vjeç, A. S., 26 vjeç dhe R. Y., 25 vjeç, pasi janë konfliktuar fizikisht për motive të dobëta, me njëri-tjetrin, në një lokal, në rrugën “11 Nëntori”.
Materialet i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme
