AF Elbasani ka nënshkruar me trajnerin serb Ivan Gvozdenovic.
Ivan Gvozdenovic do jetë trajneri i ri i AF Elbasanit në Superligë.
46-vjeçari serb do pasojë Roberto Bordin, i cili paraditen e djeshme dha dorëheqjen nga stoli i skuadrës.
Katër ditë ka zgjatur ‘papunësia’ e Gvozdenovic, i cili deri më 30 nëntor ka qenë trajneri i Skënderbeut, aty ku drejtoi ekipin për dy vite dhe u largua për rezultate jo të mira.
Tanimë ish-mbrojtësi ka detyrën për të kapur zonën “Final 4” me AF Elbasanin.
Drejtuesit e verdhebluve nuk kanë humbur kohë dhe ia kanë besuar ekipin një emri që e njeh mirë futbollin shqiptar.
AL-Faisaly, Al-Mojzel, Radnicki, Foresta Suceava, Saham dhe Skënderbeu, këto kanë qenë klubet ku Ivan i ka drejtuar si trajner./GazetaExpress/
