Pas një aksidentit, ku 2 automjetet janë përplasur, 5 persona janë përleshur me njëri-tjetrin. Ngjarja ka ndodhur ditë e djeshme në lagjen nr.13 në qytetin e Durrësit.
Policia ka arrestuar 4 persona dhe ka shpallur në kërkim 1 tjetër, 63-vjeçari B.H. Sipas asaj që ka mësuar ABC News, janë vënë në pranga: Altin, Edison dhe Robert Kraci (të 3 vëllezër), si dhe Agim Hasanbelliu. Është proceduar penalisht dhe administratori i një lokali. Ai ka hequr DVR-në e kamerave të lokalit pas sherrit.
“Dje, rreth orës 18:50, automjeti me drejtues shtetasin B. H. është përplasur me automjetin me drejtues shtetasin A. K. Pas përplasjes, janë përfshirë në konflikt fizik, shtetasi A. K. dhe 2 vëllezërit e tij me shtetasit B. H. dhe A. H. Shtetasi A. H., gjatë kryerjes së veprimeve procedurale, nuk ka treguar për rrethanat e konfliktit dhe për shtetasit e përfshirë, ndërsa shtetasi A. Zh. ka hequr dhe ka fshehur DVR-në e kamerave të sigurisë së lokalit, me qëllim që të pengonte veprimet hetimore të Policisë”, njofton Policia e Durrësit./abcnews.al
