Një ngjarje e rëndë është regjistruar në Maqellarë të Dibrës.
44-vjeçarja Miranda Markja ka goditur me thikë vjehrrën e saj, 74-vjeçaren N.M e cila ka gjetur menjëherë vdekjen.
Autorja e krimit është arrestuar nga policia, ndërsa dyshohet se shkak për krimin është bërë një konflikt banal i momentit.
Sipas informacioneve, nusja e ka mbajtur krimin e fshehtë për rreth 6 orë, ndërsa ka qenë bashkëshorti i saj ai që i ka telefonuar policisë.
Njoftimi i Policisë:
Njoftimi:
Goditi me mjet prerës ( thikë), vjehrrën e saj duke i shkaktuar vdekjen, arrestohet në flagrancë nga policia 44 vjeçarja.
Nga specialistët për hetimin e Krimit në Komisariatin e Policisë Dibër, u bë arrestimi në flagrancë i shtetases:
M. M., 44 vjeçe, banuese në fshatin Burrim, Maqellarë, pasi në orët e mbrëmjes datë 11.04.2021, në banesën e saj dyshohet se për motive të dobëta, ka goditur me mjet prerës (thikë) vjehrrën e saj, shtetasen N. M., 74 vjeçe, e cila si pasojë e plagëve të marra ka ndërruar jetë menjëherë.
Grupi hetimor në vendngjarje ka sekuestruar në cilësinë e provës materiale mjetin prerës që dyshohet se është përdorur nga autorja e ngjarjes.
Materialet procedurale iu referuan Prokurorisë Dibër për veprën penale “Vrasje për shkak të marrëdhënieve familjare”.
