Një person është vënë në pranga në Shkodër pasi dyshohet se ka kanosur me armë zjarri një 20-vjeçar, duke qëlluar fillimisht në ajër dhe më pas është larguar nga vendi i ngjarjes.
Rreth orës 13.00, në Policinë e Shkodrës është raportuar për të shtëna me armë zjarri në afërsi të Stacionit të Trenit. Menjëherë pas njoftimit, forcat e rendit kanë ndërhyrë duke krehur zonën dhe kanë bërë të mundur identifikimin dhe arrestimin e një shtetasi të dyshuar për ngjarjen.
Siç raporton gazetari i Top Channel, Klodian Zhivani, i arrestuari, Altin Shpendi dyshohet se ka kanosur me armë zjarri një 20-vjeçar, duke qëlluar fillimisht në ajër dhe më pas është larguar nga vendi i ngjarjes.
